मुख्य समाचार

कृष्ण प्रसाद ओझा, बर्दगोरिया । स्वास्थ्य, जनसङ्ख्या तथा खानेपानी मन्त्री निशा मेहताको अध्यक्षतामा “खानेपानी तथा सरसफाई विषयगत समिति” को बैठक सिंहदरबारस्थित खानेपानी मन्त्रालयमा सम्पन्न भएको छ । उक्त बैठकमा सहभागी भई लम्कीचुहा नगरपालिकाका तर्फबाट नगर प्रमुख सुशिला शाहीले सबै वडामा आवश्यक खानेपानी आयोजनाहरूको सुनिश्चितता गर्न माग गर्दै ध्यानाकर्षण गराउनु भएको छ । नगर प्रमुख शाहीले नगरका विभिन्न वडामा अझै पनि सुरक्षित र नियमित खानेपानी सेवाको अभाव रहेको उल्लेख गर्दै दीर्घकालीन समाधान सहितका योजनाहरू कार्यान्वयन गर्न आग्रह गर्नुभएको छ । बैठकमा मन्त्री मेहताले खानेपानी तथा सरसफाई क्षेत्रलाई प्राथमिकतामा राखी आवश्यक बजेट तथा कार्यक्रममार्फत समस्या समाधानतर्फ सरकार प्रतिबद्ध रहेको बताउनुभयो । साथै…

बौनिया । खानेपानी मन्त्रालयको आयोजनामा खानेपानी, सरसफाई तथा स्वच्छता (WASH) क्षेत्रअन्तर्गत सन २०२६ देखि २०३० सम्म सञ्चालन हुने अभियानात्मक (Flagship Programmes) कार्यक्रमको तयारी सम्बन्धी बैठक सम्पन्न भएको छ। सुर्खेत स्थित शुभ होटलमा आयोजित उक्त बैठकमा लम्की चुहा नगरपालिका प्रमुख शुसिला शाहीको सहभागिता रहेको थियो । कार्यक्रममा WASH क्षेत्रका आगामी सम्भावित कार्यक्रम तथा परियोजनाबारे विभिन्न पक्षबाट छलफल तथा प्रस्तुतीकरण गरिएको थियो। बैठकमा सहभागी हुँदै नगर प्रमुख शाहीले WASH क्षेत्रको दिगो विकासका लागि आवश्यक योजना निर्माण, कार्यान्वयन र समन्वयका विषयमा महत्वपूर्ण जानकारी हासिल भएको बताउनुभयो । साथै, यस्ता कार्यक्रमले स्थानीय तहमा खानेपानी तथा सरसफाई सेवाको प्रभावकारी विस्तारमा टेवा पुग्ने विश्वास व्यक्त गर्नुभयो…