सुदुरपश्चिम विशेष

बर्दगोरिया । कैलालीको बर्दगोरिया गाउँपालिकाका ६ वटै वडामा सुरक्षित खानेपानी पहुँच विस्तार गर्ने आयोजनाको ठेक्का सम्झौता प्रक्रिया सम्पन्न भएको छ। विश्व बैंकको ऋण सहयोग तथा नेपाल सरकार, सुदूरपश्चिम प्रदेश सरकार र गाउँपालिकाको सहलगानीमा सञ्चालित यस आयोजनाबाट करिब ९ हजार घरधुरी लाभान्वित हुने लक्ष्य राखिएको छ। वडा नं. १ को सडकपुर–बौनिया खानेपानी आयोजनाको ठेक्का खड्का/पीएस जेभी, बाँकेसँग १७ करोड २५ लाख ६८ हजार १२२ रुपैयाँमा सम्झौता भएसँगै सबै वडाको ठेक्का प्रक्रिया पूरा भएको हो। आयोजनाको लक्ष्य सन् २०२८ जुलाईसम्म गाउँपालिकाका शतप्रतिशत नागरिकलाई सुरक्षित खानेपानीको पहुँचमा पुर्‍याउनु रहेको छ। अब निर्धारित समयभित्र गुणस्तरीय निर्माण सम्पन्न गर्नु र खानेपानी सेवाको दिगो व्यवस्थापन सुनिश्चित…

बौनिया। पत्रकारहरूको सीप विकास तथा क्षमता अभिवृद्धिका लागि कैलालीको बर्दगोरिया गाउँपालिकाले तीन दिने खोज पत्रकारिता तालिम सुरु गरेको छ । खोजमूलक पत्रकारिताप्रति दक्षता अभिवृद्धि गर्ने उद्देश्यले तालिमको आयोजना गरिएको गाउँपालिकाले जनाएको छ । बिहीबारबाट बौनियामा सुरु भएको तालिम शनिवार सम्म सञ्चालन हुने छ । गाउँपालिकाका सामाजिक विकास समिति संयोजक तथा प्रवक्ता मिथुन गौतमको अध्यक्षतामा सुरु भएको कार्यक्रमका प्रमुख अतिथि नेपाल पत्रकार महासङ्घ सुदूरपश्चिम प्रदेश अध्यक्ष भरत शाह रहेका थिए । कार्यक्रममा बोल्दै प्रमुख अतिथि शाहले पत्रकारिता क्षेत्रको सुदृढीकरणका लागि बर्दगोरिया गाउँपालिकाले महत्त्वपूर्ण र उदाहरणीय कदम चालेको बताए । उनले खोज पत्रकारिता लोकतन्त्र, सुशासन र जबाफदेहिताको आधार भएकाले यस्ता तालिमले दक्ष…

कैलाली । बालविवाह, छुवाछूत तथा सामाजिक विभेद न्यूनीकरण गर्ने उद्देश्यले मोहन्याल गाउँपालिका वडा नम्बर १ को चायाभावरमा अभिमुखीकरण कार्यक्रम सम्पन्न भएको छ। समृद्ध नेपाल ट्रेनिङ सेन्टरका संयोजक कृष्ण प्रसाद ओझाको सभापतित्वमा सम्पन्न उक्त कार्यक्रमका प्रमुख अतिथि मोहन्याल गाउँपालिका वडा नम्बर १ का अध्यक्ष प्रेम बुढा रहनु भएको थियो। कार्यक्रममा बोल्दै प्रमुख अतिथि बुढाले समाजमा विद्यमान कुप्रथा र विभेद अन्त्य गर्न सामूहिक प्रयास आवश्यक रहेको उल्लेख गर्दै यस्ता सचेतनामूलक कार्यक्रमले सकारात्मक परिवर्तन ल्याउने विश्वास व्यक्त गर्नुभयो । कार्यक्रममा बालविवाह, छुवाछूत तथा विभेदसम्बन्धी विषयमा अधिवक्ता द्वय गणेश कडायत र रोहित देउवाले सहजीकरण गर्नुभएको थियो । उनीहरूले कानुनी व्यवस्था, सामाजिक असर र न्यूनीकरणका…

बर्दगोरिया । विश्व रक्तदाता दिवसको अवसरमा बौनिया जेसीजले आयोजना गरेको रक्तदान कार्यक्रम सफलतापूर्वक सम्पन्न भएको छ।   नेपाल जेसीजको प्रोजेक्ट संकल्प अनुसार समाजमा रगत अभावका कारण हुने समस्यालाई न्यूनीकरण गर्ने उद्देश्यले आयोजित कार्यक्रममा स्थानीय युवा, समाजसेवी, विभिन्न संघसंस्थाका प्रतिनिधि तथा सर्वसाधारणको उत्साहजनक सहभागिता रहेको थियो। कार्यक्रमका प्रमुख अतिथि बौनिया जेसीजका संस्थापक अध्यक्ष लिला जंग शाही रहेका थिए । कार्यक्रमलाई सम्बोधन प्रमुख अतिथि शाहीले रक्तदान जीवनदान भएकाले स्वस्थ व्यक्तिले नियमित रूपमा रक्तदान गर्नुपर्नेमा जोड दिएका थिए। टीकापुर जेसीजको मातृत्वमा सन् २०११ मा स्थापना भएको यस जेसीजले २०११ देखि २०२६ सम्म पुग्दै गर्दा रक्तदान लगायत विभिन्न सामाजिक कार्यहरू साफतापूर्वक सम्पन्न गर्दै आएको…

कञ्चनपुर: “राति खाना पकाउने तयारी गर्दै थियौँ, एक्कासि आएको हावाहुरीले घरको छाना उडाएर लग्यो, अन्नपात, लुगाफाटा सबै भिज्यो, ज्यान जोगाउनमै व्यस्त भयौँ, अरू सामान बचाउने समय नै पाएनौँ।” शुक्लाफाँटा नगरपालिका–९ का महेश जोशीले दुई दिनअघि (बुधवार राति) आएको हुरीले निम्त्याएको पीडा सुनाउँदै भने, “अहिले खुला आकाशमुनि बस्न बाध्य छौँ, हुरीले हाम्रो बिचल्ली बनाइदियो।” शुक्लाफाँटा नगरपालिका–९ मा आएको भीषण हुरीले ८० परिवारलाई प्रभावित बनाएको छ। हावाहुरीले ६० वटा घर र २० वटा गोठमा क्षति पु¥याउँदा दर्जनौँ परिवारको वासस्थान, खाद्यान्न र दैनिक जीवन प्रभावित भएको हो। शुक्लाफाँटा –९ वडाध्यक्ष रमेशबहादुर ऐरकाअनुसार हुरीले अधिकांश घरका जस्तापाताका र टायलका छाना उडाएको छ। त्यस लगत्तै…

बर्दगोरिय । बर्दगोरिया गाउँपालिका वडा नं. ६ अन्तर्गत सुगरखाल क्षेत्रमा रहेको काडा नदीको कटान नियन्त्रण गर्न तटबन्धन निर्माण कार्यको बुधवार वडा नम्बर ६ का अध्यक्ष राम कृष्ण डगौरा थारुले शिलान्यास गर्नु भएको छ । वर्षेनी हुने नदी कटानका कारण स्थानीय बस्ती तथा कृषियोग्य जमिन जोखिममा पर्दै आएको सन्दर्भमा यो आयोजना सुरु गरिएको हो ।   उक्त तटबन्धन निर्माण कार्य राष्ट्रपति चुरे–तराई मधेस संरक्षण विकास समिति अन्तर्गत कार्यक्रम कार्यान्वयन इकाइ लम्की, कैलालीको सहयोगमा सञ्चालन हुन लागेको हो ।   शिलान्यास कार्यक्रममा स्थानीय जनप्रतिनिधि, सरोकारवाला निकाय तथा स्थानीय बासिन्दाहरूको उल्लेखनीय उपस्थिति रहेको थियो ।   शिलान्यास पश्चात्त बोल्दै वडा अध्यक्ष डगौरा थारुले…