नाैलाेप्रेस डेस्क

काठमाडौं । नयाँ सत्ता साझेदारी सँगै नेकपा (माओवादी केन्द्र)ले पाँच मन्त्रीको नाम टुंग्याएको छ । यसअघि विनाविभागीय मन्त्रीको शपथ खाइसकेका हितबहादुर तामाङसँगै उपमहासचिव वर्षमान पुन यसअघिको मन्त्रिपरिषद्मा सहभागी नभएका हुन् । त्यसबाहेकका तीनजना भने अघिल्लो मन्त्रिपरिषद्मा रहेकाहरू नै मन्त्रीमा सिफारिस भएका छन् । नयाँ सरकारमा उपप्रधानसहित परराष्ट्र मन्त्रालयको जिम्मेवारी पाउनेगरी यसअघिका गृहमन्त्री नारायणकाजी श्रेष्ठको नाम सिफारिस भएको छ । यस्तै ,यसअघि ऊर्जा मन्त्रालयको जिम्मेवारी सम्हालेका शक्ति बस्नेत र सञ्चार तथा सूचना प्रविधिमन्त्रालयसहित सरकारको प्रवक्ताको जिम्मेवारी सम्हालेकी रेखा शर्मा पनि पुनः मन्त्रीमा सिफारिस भएकी छन् ।

काठमाडौं । नयाँ सत्ता साझेदार सँगै प्रधानमन्त्री पुष्पकमल दाहाल 'प्रचण्ड'ले मन्त्रिपरिषद् पुनर्गठन गरेको २ दिनपछि मुख्य मन्त्रालयको बाँडफाँड टुंगिएको छ । नेकपा एमाले, नेकपा (माओवादी केन्द्र), रास्वपासहितका सत्ता साझेदार दलले मन्त्रिपरिषद्मा भागबण्डा गरेका हुन् । बुधावार टुंगिएको भागबण्डाअनुसार माओवादीबाट वरिष्ठ उपाध्यक्ष नारायणकाजी श्रेष्ठ उपप्रधान तथा परराष्ट्र मन्त्री बन्नेछन् । माओवादीबाटै उपमहासचिव वर्षमान पुन अर्थमन्त्री बन्ने तय भएको छ । यसैगरी, एमालेका तर्फबाट सरकारमा पार्टी सचिव रघुवीर महासेठले नेतृत्व गर्ने भएका छन् । महासेठलाई उपप्रधान एवं भौतिक पूर्वाधार तथा यातायात मन्त्री बनाउने तय भएको छ । एमालेबाट यसअघि नै पदम गिरीले शपथ लिइसकेका छन् भने दामोदार भण्डारी, हरि उप्रेती, राजेन्द्र राई, ज्वालाकुमारी साह,…