जापानमा बर्डफ्लु सङ्क्रमणपछि उच्च सतर्कता अपनाइँदै
एजेन्सी – जापानको होक्काइदो क्षेत्रका दुई नगरमा जङ्गली पङ्क्षीहरूमा अत्यधिक सङ्क्रामक एभियन इन्फ्लुएन्जा (वर्डफ्लु) फेला परेको भन्दै जोखिम न्यूनिकरणका लागि राष्ट्रव्यापी रूपमा चेतावनी जारी गरिएको छ। जापानको वातावरण मन्त्रालयले होक्काइदोमा दुई फरक फरक स्थानमा भाइरस फेला परेपछि यो निर्णय गरिएको हो। मन्त्रालयका अनुसार, सेप्टेम्बर ३० मा ओटोब नगरमा एउटा मृत बाजमा र अक्टोबर ८ मा बेत सुकाई नगरमा जङ्गली हाँसको समूहमा भाइरस फेला परेको थियो। अधिकारीहरूले देशभरका जङ्गली चराहरूको कडा निगरानी गर्न आह्वान गरिरहेका छन्। बर्डफ्लुले सामान्यतया सङ्क्रमित पङ्क्षीसँग अत्यधिक सम्पर्कमा नआएसम्म मानिसमा खतरा उत्पन्न नगर्ने भए तापनि मृत चरा नछुन र चराको शङ्कास्पद मृत्युबारे कुनै पनि जानकारी स्थानीय अधिकारीलाई…
