सुदुरपश्चिम विशेष

कैलाली । दार्चुलामा खाना पकाउने ग्यास लिक हुँदा जलेर घाइते भएका एक जनाको मृत्यु भएको छ। मृत्यु हुनेमा नौगाड गाउँपालिका–३ जामिरका ८० वर्षीया अमरसिंह ठगुन्ना रहेका छन । बुधवार बिहान चिया पकाउने क्रममा ग्यास लिक हुँदा उनी जलेर घाइते भएका थिए। घाइते भएका उनलाई उपचारका लागि स्थानीयको सहयोगमा गोकुलेश्वर अस्पताल लगिएको थियो। गोकुलेश्वरमा उपचार सम्भव नभएपछि थप उपचारका लागि नेपाली सेनाको हेलिकोप्टरमार्फत काठमाडौं लैजाने भनीएपनी नेपालगंज लगिएको थियो। उनको नेपालगंजमा उपचारकाक्रममा मृत्यु भएको हो।

बर्दगोरिया । कैलालीको बर्दगोरियामा संचालन हुन लागेको बर्दगोरिया बहुमुखी क्याम्पसको डिन कार्यालय काठमाडौको टोलिले फिजिबिलिटी अध्ययन अवलोकन गरेको छ । बुधबार बौनियामा आयोजित क्याम्पस संचालनका लागी पालिका संगको अन्तरक्रियामा डिन कार्यालय ब्यवस्थापन संकायका मदन पोख्रेल र मदन कडेलले क्याम्पस संचालनको स्रोत र व्यवस्थापनका बारेमा चासो राखेका छन । हामिले बर्दगोरियामा क्याम्पस संचालन गर्न अनुमती दिन्छौ तर क्याम्पसको दीर्घकालीन आर्थिक स्रोतको बारेमा जानकारी दिन आवस्यक रहेको मदन कडेलले बताए । उनले भने अहिले क्याम्पस संचालन गर्न तपाईहरु तयार भए पनि दीर्घकालीन आर्थिक स्रोतका बारेमा ठोस निर्णय लिन आवश्यक छ । यसै गरि डिन कार्यालय ब्यवस्थापन संकायका मदन पोख्रेलले त्रिभुवन विस्वविद्यालयबाट बाट…