मुख्य समाचार

काठमाडौं । राष्ट्रिय प्रजातन्त्र पार्टी (राप्रपा)ले आज भ्रष्टाचारविरूद्ध प्रदर्शन गर्दैछ। नक्कली भुटानी शरणार्थी लगायतका प्रकरणमा ठूला ओहोदामा बसेकाहरू नै संलग्न देखिएको र भ्रष्टाचार न्यूनीकरणमा राज्य उदासीन भएको भन्दै प्रदर्शन गर्न लागेको राप्रपाले बताएको छ। उक्त विरोध प्रदर्शन दिउँसो १ बजे हनुमानढोका दरबार क्षेत्रमा आयोजना गरिएको बताइएको छ । पार्टीको केन्द्रीय कार्य समितिको निर्णय अनुरुप आफुहरुले ‘भ्रष्टाचारविरुद्ध प्रदर्शन गर्न पागेको एक नेताले बताए हुन । उक्त विरोध प्रदर्शनलाई राप्रपा अध्यक्ष राजेन्द्र लिङ्देनले सम्बोधन गर्ने कार्यक्रम रहेको छ। राप्रपाको केन्द्रीय कार्य समितिको बैठक जेठ १, २ र ३ गते बसेको थियो। बैठकले नक्कली शरणार्थी प्रकरणलाई राज्य द्रोहको अपराध भएको निष्कर्ष निकालेको थियो।

काठमाडौँ । मंगलबार सर्वोच्च अदालतले उच्च अदालत दिपायलको फैसलालाई सदर गर्दै नागरिक उन्मुक्ति पार्टीका नेता रेशम चौधरीलाई जन्म कैदको सजाय सुनाएको छ । कैलालीको टीकापुर घटनाका प्रतिवादी नागरिक उन्मुक्ति पार्टीका नेता रेशम चौधरीले सर्वोच्च अदालतमा पेश गरेको निवेदनको सुनुवाइ गर्दै सर्वोच्च अदालतले उच्च अदालत दिपायलको फैसलालाई सदर गर्दै जन्म कैदको सजाय सुनाएको हो । सर्वोच्च अदालतले उच्च अदालतको फैसलालाई सफाई दिए सङ्गै यता नागरिक उन्मुक्ति पार्टीले रेशम चौधरी सहितका आफ्ना नेतालाई रिहा नभएसम्म नेपाल बन्दसम्मको घोषणा गर्ने चेतावनी दिएका छन । पार्टीले आज पत्रकार सम्मेलनको आयोजना गरी आन्दोलनको घोषणा गरेको हो । पत्रकार सम्मेलनमार्फत विरोध प्रदर्शनका कार्यक्रम सार्वजनिक गर्दै सो…