प्यूठान। नेपाल कम्युनिष्ट पार्टी(माओवादी केन्द्र)को जनता सँग माओवादी विशेष रुपान्तरण कार्यक्रमलाई सफल बनाउन अहिले पार्टीका जिम्मेवार नेता कार्यकर्ताहरु आआफ्नो जिम्मेवारी समाल्दै स्थानीय तहमा गइरहेका छन ।
जस अनुसार पार्टीका केन्द्रिय सदस्य लोकराज जैशी (लोकेश) पनि आफ्नो जिम्मेवारी लिदै प्युठानको स्वर्गद्वारी गाउँपालिका पुगेका छन ।
प्युठानको स्वर्गद्वारी र माण्डवी गाउँपालिकाको जिम्मेवारी सम्माले का उनी हिजो मात्र जिल्लाको स्वर्गद्वारी नगपालिका पुगेका हुन ।
स्वर्गद्वारी नगरपालिका पुगेका उनलाई पार्टीका स्वर्गद्वारी नगर कमिटीको पदाधिकारीको बैठकले एक कार्यक्रमका बीच स्वागत सम्मान गरेको छ ।
बैठकमा पार्टीको जनता सँग माओवादी विशेष रुपान्तरण कार्यक्रमलाई कसरी सफल बनाउन सकिन्छ भन्ने विषयमा व्यपक रुपमा छलफल भएको थियो ।
बैठकले अभियानमा नगरभित्रका विभिन्न ९ वडा कमिटीको कार्य विभाजन गर्न, आन्तरिक तयारीका विषयमा ठोस योजना बनाउन ११ गते विहान ११ बजेको लागि नगर कमिटीको पुर्ण विस्तारित बैठक बोलाइएको छ । बैठक स्वर्गद्वारी नगरपालिकाको भिङ्गी (जलुके धर्मशाला) को हलमा बस्ने भएको छ ।
