बर्दगोरिया । नेपाली काङ्ग्रेस बर्दगोरिया गाउँकार्यसमितिको उपसभापति जस्तो जिम्मेवारपुर्ण पद त्यागेर नागरिक उन्मुक्ति पार्टीमा प्रवेश गरेका प्रमोद मल्ल पुनः काङ्ग्रेसमै फर्किएका छ्न ।
बुधबार कैलालीको बर्दगोरियामा पत्रकार सम्मेलनको आयोजना गर्दै मल्ल नागरिक उन्मुक्तिमा प्रवेश गरेको चार महिना नपुग्दै फेरि काङ्ग्रेसमा फर्किएका हुन ।
मल्ल गत असार २५ गते लम्कीमा आयोजित नागरिक उन्मुक्ति पार्टी प्रवेश कार्यक्रममा नेपाली काङ्ग्रेस बर्दगोरियाको उपसभापति छोडेर नागरिक उन्मुक्ति पार्टीमा प्रवेश गरेका थिए । नागरिक उन्मुक्तिमा रहदा मल्लले मङ्सिर ४ मा हुने चुनावको लागि प्रदेश सभा सदस्यको उम्मेदवारको दावी गर्दै सोहीअनुसारको लविङ गरेका थिए । तर अन्ततः मल्लले टिकट भने पाएन्न ।
उनले नेपाली काङ्ग्रेसमा हुँदा पनि पार्टीको स-साना कुरामा असन्तुष्टि जनाउदै पार्टी छोडेर अर्को पार्टीमा जानू आफ्नो गल्ती कमजोरी भएको बताउदै पुनः नागरिक उन्मुक्ति छोडेर काङ्ग्रेस मै फर्किएको बताए ।
काङ्ग्रेस फर्किएका मल्ललाई बाम लोकतान्त्रिक गठबन्धन कैलाली निर्वाचन क्षेत्र नम्बर २ का प्रतिनिधि सभा सदस्य उम्मेदवार भगत बहादुर बडूवाल र क्षेत्र नम्बर २ (क) प्रदेश सभा सदस्य पदका उम्मेदवार कमल बहादुर शाह लगाएतले स्वागत गरेका थिए ।