राजनीति

काठमाडौं: राजसंस्था पुनःस्थापनाको लागि गठित संयुक्त जनआन्दोलन परिचालन समितिले आन्दोलनलाई निरन्तरता दिएको छ। राजसंस्था र हिन्दू राज्य पुनःस्थापनाको माग राख्दै राजावादीहरूले शुक्रबार काठमाडौंको माइतीघरमा प्रदर्शन गरेका हुन्। प्रदर्शनमा सहभागीहरूले संघीयता खारेज गर, गणतन्त्र खारेज गर, हिन्दुराष्ट्र कायम गरलगायतका नारा लगाएका थिए। राजा र जनताबीचको एकतालाई फेरि जोड्ने र सनातन धर्म संस्कृति र परम्परामा आधारित नेपालको मौलिक पहिचानको रक्षा गर्ने आफूहरूको संयुक्त प्रयास भएको समितिले जनाएको छ। प्रदर्शनका क्रममा राप्रपा नेता ज्ञानेन्द्र शाहीले अहिलेको व्यवस्थाका कारण मुलुकमा भ्रष्टाचार व्याप्त भएकाले राजसंस्था र हिन्दू राज्यसहितको नयाँ व्यवस्था कायम हुनुपर्ने बताए। उनले मुलुकमा राष्ट्रपति नभइ अभिभावकीय संस्थाका रूपमा राजा चाहिने बताए। राजसंस्था पुनःस्थापनाको…

काठमाडौँ । नेकपा एमाले निकट राष्ट्रिय युवा संघको १० औँ राष्ट्रिय महाधिवेशन सम्पन्न भएको छ । मंगलबार सम्पन्न मतगणनाबाट प्रतिद्वन्द्वी सुमन पुरीलाई हराउँदै अध्यक्षमा क्षितिज थेबे निर्वाचित भएका छन् । थेबेले ७ सय ९६ मत ल्याउँदा पुरीले ६ सय ८ मत ल्याएका छन् । १ सय ८८ मत बढी ल्याउँदै थेबे अध्यक्षमा निर्वाचित भएका हुन् । पोखरा सभागृहमा आज सकिएको मतदानमा १ हजार ७६४ प्रतिनिधिमध्ये १ हजार ४ सय ४ जना मतदानमा सहभागी भएका थिए । थेवे प्यानलबाट उपाध्यक्षमा महाराज गुरुङ र विनय शाहले उम्मेदवारी दिएका छन् । पुरी प्यानलबाट प्रकाश गौतम र पर्वत भण्डारी उपाध्यक्षको उम्मेदवार बनेका थिए ।…

काठमाडौं, जेठ ७ । नेपाली कांग्रेसले असारभित्रै क्रियाशील सदस्यता नवीकरणका सम्पूर्ण काम सक्न मातहत समितिहरूलाई निर्देशन दिएको छ। बुधबार महामन्त्री गगन थापा नेतृत्वमा रहेको क्रियाशील सदस्यता व्यवस्थापन समितिको बैठकले असारभित्रै क्रियाशील नवीकरण कार्य सक्न जिल्ला कार्यसमिति लगायतलाई निर्देशन दिएको हो। उक्त समितिले यसअघि वैशाख १५ गतेभित्र नवीकरणका काम सक्न भने पनि अधिकांश जिल्लाहरूले उक्त अवधिमा काम सम्पन्न गरेका थिएनन्। क्रियाशील सदस्यता व्यवस्थापन समिति सदस्यमा केन्द्रीय सदस्यहरू सीता गुरूङ, योगेन्द्र चौधरी र प्रकाश रसाइली (स्नेही) छन्। बुधबारको बैठकबारे जानकारी दिँदै सदस्य प्रकाश रसाइली स्नेहीले असारभित्रै नवीकरणका काम सक्न भनिएको बताए। ‘क्रियाशील सदस्यता नवीकरणका कार्य जिल्लाहरूमा ३० प्रतिशतदेखि ६० प्रतिशतसम्म पुगेको अवस्था…

काठमाडौं । राष्ट्रिय प्रजातन्त्र पार्टी (राप्रपा) ले मंगलबार काठमाडौंमा गर्न लागेको प्रदर्शनको निगरानी सीसी क्यामेरा, बडी क्यामेरा र ड्रोनबाट गरिने भएको छ । संवैधानिक राजतन्त्र र हिन्दू राज्य पुनर्स्थापनाका लागि दबाब दिने उद्देश्यले राप्रपाले मंगलबार काठमाडौंको बल्खुमा गर्न लागेको जुलुससहित प्रदर्शनी सभा निगरानी सीसी क्यामेरा, बडी क्यामेरा र ड्रोनबाट गरिने भएको हो । जुलुसमा उपत्यका बाहिरका जिल्लाहरूबाट समेत ठूलो संख्यामा मान्छे उपस्थित हुने राप्रपाले दाबी गरेको छ । सोही अनुसार भोलि मंगलबारको सभा तथा जुलुसलाई लक्षित गर्दै सुरक्षा निकायहरूले निगरानी बढाएका छन् । सुरक्षामा नेपाल प्रहरी, सशस्त्र प्रहरी बल र राष्ट्रिय अनुसन्धान विभागका टोलीहरू गरी तीन निकायका सुरक्षाकर्मीहरू खटिने छन्…

काठमाडौं । रास्वपा सभापति रवि लामिछानेलाई उच्च अदालत तुलसीपुरको बुटवल इजलासले थुनामा पठाउने आदेश गरेको छ । जिल्ला अदालत रुपन्देहीको आदेश बदर गर्दै उच्च अदालतले लामिछानेलाई थुनामा पठाउने आदेश गरेको हो । जिल्ला अदालतले दिएको आदेशविरुद्ध उनीहरूले उच्च अदालत तुलसीपुरको बुटवल इजलासमा पुनरावेदन निवेदन दिएका थिए । न्यायाधीशद्वय रमेश ढकाल र स्वीकृति पराजुलीको संयुक्त इजलासले रविलाई जिल्ला अदालत रुपन्देहीको आदेश बदर गर्दै थुनामा पठाउने आदेश जारी गरेको हो । बुटवलको सुप्रिम सहकारी ठगी र संगठित अपराधको मुद्दामा यसअघि रुपन्देही जिल्ला अदालतले रविलाई १ करोड धरौटीमा छाडेको थियो । सुप्रिम सहकारीमा रवि, छवि र जीबी राईसहित ४२ जनालाई प्रतिवादी बनाइएको छ।…