बर्दगोरिया । कैलालीको बर्दगोरिया गाउँपालिकाले २० औं राष्ट्रिय धान दिवस तथा रोपाइँ महोत्सव २०८० मनाएको छ ।
“जलवायु अनुकुलित कृषक मैत्री प्रविधि, धान उत्पादनमा वृद्धि” भन्ने मुल नारा सहित गाउँपालिकाले २० औं राष्ट्रिय धान दिवस तथा रोपाइँ महोत्सव धान रोप्दै मनाएको हो ।
गाउँलालिका अध्यक्ष कर्ण बहादुर कुँवर, उपाध्यक्ष गणेश राज गिरी , स्थानिय सरकारका प्रबक्ता मिथुन गौतम, वडा अध्यक्ष, कार्यपालिका सदस्य, वडा सदस्य, विभिन्न शाखाका प्रमुख तथा प्रतिनिधि, कृषकहरु लगाएतका व्यक्तिहरुको सहभागितामा पालिकाले राष्ट्रिय धान दिवस तथा रोपाइँ महोत्सव २०८० मनाएको हो ।
रोपाइँ दिवस पलिकाले वडा नम्बर २ स्थित दोघरा टोलमा १० कठ्ठा जमिनमा धान रोप्दै मनाइएको हो ।
२० औं राष्ट्रिय धान दिवस तथा रोपाइँ महोत्सव पालिकाको कृषि विकास शाखाको आर्थिक वर्ष २०७९।०८० सालको वार्षिक स्विकृत कार्यक्रम अन्तरगत सम्पन्न गरिएको हो ।
