बर्दगोरिया । माघी मिलन खोज्नी/बोज्नी सास्कृतिक कार्यक्रम बर्दगोरिया गाउपालिका वडा नम्बर ६ पृथ्वीपुरमा सम्पन्न भएको छ ।
बर्दगोरिया गाउपालिका वडा नम्बर ६ का अध्यक्ष राम कृष्ण डगौरा थारुको सभापतित्वमा भएको कार्यक्रमका प्रमुख अतिथी गाउपालिका अध्यक्ष कर्ण बहादुर कुँवर रहनु भएको थियो । कार्यक्रममा बिशिस्ट अतिथि उपाध्यक्ष गणेश राज गिरि रहनु भएको थियो ।
कार्यक्रममा थारु माहालोक गायक मनिराम थारु,चर्चित थारु गायिका संगीता चौधरी,टिकटक स्टार दिपिका जि एच,चर्चित मोडेल भावना चौधरी,फुलकुमारी २ लगाएत १ दर्जन बढी कलाकारसंगै बालक्लब, स्थानिय कलाकारहरुको प्रस्तुती रहेको थियो ।
कार्यक्रममा गाउपालिका अध्यक्ष कुँवरले वडामा चयन भएका भलमन्सा,बडघर,चिरागी लगाएत चौकिदारहरुलाई खादा लगाएर सम्मान गरेका थिए ।
प्रमुख अतिथिको आसनबाट बोल्दै अध्यक्ष कुँवरले संस्कृतिको जर्गेना गर्न सबै एकजुट भएर लाग्न आग्रह गर्नुभयो । साथै कुँवरले माघी मिलन कार्यक्रमलाई निरन्तरता दिन आफ्नो र पालिकाबाट हुने सहयोगमा कुनै कमि हुन नदिने प्रतिबद्धता व्यक्त गर्नु भयो ।
थारु समुदायको नया बर्षका रुपमा लिने माघ महिनामा भल्मन्सा, बडघर चयन गर्ने चलन रहेको छ । कार्यक्रममा वडा सदस्य अमर सिंह डगौराले स्वागत गरेक कार्यक्रममा वडा नम्बर ५ का अध्यक्ष भोलेराम चौधरी,वडा सदस्य नेहा चौधरी,धनसरा सुनार, नेपाली काङ्ग्रेस बर्दगोरिया गाउकार्य सभापति कृष्ण बिष्ट , नेकपा माओवादी बर्दगोरिया अध्यक्ष राम बहादुर साउद, महुन्याल मा वि क बिधालय व्यवस्थापन समिती अध्यक्ष धिरेन्द्रा जैशी, प्र अ चन्दृका जोशी ,लगाएत समाजसेवी,बुद्धिजीवीहरुको सहभागिता रहेको थियो । कार्यक्रमको संचालन खुशी रत्गैयाले गर्नु भएको थियो ।
