कैलाली । कैलालीको जोशीपुर गाउँपालिकामा हँसिया प्रहारबाट एक जनाको मृत्यु भएको छ ।
मृत्यु हुनेमा गाउँपालिका वडा नम्बर ६ का ३३ वर्षीय पदमराज भण्डारी रहेको प्रहरीले जनाएको छ ।
प्रहरीका अनुसार उनको भिनाजु नाता पर्ने स्थानीय ५० बर्षीय गौरीलाल ढुङगानाको हँसिया प्रहारबाट मृत्यु भएको हो ।
यस्तै अर्का एक जना गम्भीर घाइते भएका छन्। गम्भीर घाइते हुनेमा अर्का साला ४० बर्षीय जयराज भण्डारी रहेको प्रहरीले जनाएको छ ।
उनलाई उपचारका लागि कोहरलपुर रिफर गरिएको छ। मंगलबार राति करिब ९ बजे भएको घटना पछि आरोपित ढुङगाना फरार छन। उनको खोजीका लागि प्रहरी परिचालन गरिएको छ।