बर्दगोरिया कैलाली ।
कैलालीको बर्दगोरिया गाउँपालिकामा लागुऔषध नियन्त्रण सम्बन्धी एक दिने अन्तरक्रिया कार्यक्रम सम्पन्न भएको छ ।
शुक्रकार पालिकाको वडा नम्बर २ मा लागुऔषध नियन्त्रण सम्बन्धी एक दिने अन्तरक्रिया कार्यक्रम सम्पन्न भएको हो ।
बर्दगोरिया गाउपालिका वडा नम्बर २ आयोजनामा उक्त कार्यक्रम सम्पन्न भएको हो । कार्यक्रममा लागु औषध भनेको के हो ? यस्ले समाजमा कस्तो असर गर्छ ? यस्लाई कसरी न्यूनिकरण गर्ने ? युवाहरु लागु औषधको कुलतमा कसरी पस्छन? यसबाट आफ्ना बालबालिकालाई कसरी बचाउन सकिन्छ ? लागुऔषध सेवन र यस सम्बन्धी कारोवार गर्ने व्यक्तिलाई कानुनले कस्ता कार्वाहि गर्छ ? भन्ने विषयमा प्रशिक्षण गराईएको थियो ।
वडा नम्बर २ का अध्यक्ष गोविन्द वि.कको अध्यक्षतामा भएको कार्यक्रमको प्रशिक्षण ईलाका प्रहरी कार्यालय सडकपुर बौनियाका ईन्चार्ज महेश बिक्रम शाहीले गरेका थिए ।
