इलाम । प्रतिनिधि सभा अन्तरगत इलाम–२ मा भएको उपनिर्वाचनमा नेकपा एमालेले अग्रता बढाउँदै गएको छ ।
हाल सम्म २० हजार ५३६ मतगणना हुँदा नेकपा एमाले उम्मेदवार सुहाङ नेम्वाङले २ हजार ६०३ को फराकिलो मतान्तर सहित अग्र स्थानमा रहेका छन ।
सुहाङले ८ हजार ४८७ मत ल्याउँदा उनका निकटतम प्रतिद्वन्द्वी नेपाली काङ्ग्रेसका डम्बरबहादुर खड्काले ५ हजार ८४४ मत ल्याएका छन् ।
त्यस्तै, स्वतन्त्र उम्मेदवार डकेन्द्रसिंह लिम्बुले ४ हजार २६२ मत ल्याउँदा रास्वपा उम्मेदवार मिलन लिम्बुले १ हजार २६९ मत सहित चौथो स्थानमा सीमित छन् ।