मुख्य समाचार

काठमाडौँ । नेपाल पञ्चाङ्ग निर्णायक विकास समितिले यसपालिको दसैँको टीकाको साइत सार्वजनिक गरेको छ। बडादसैँको अवसरमा गरिने कार्यहरूबारे जानकारी गराउँदै समितिले यसपालिको दसैँको टीकाको शुभ साइत असोज २६ गते बिहान ११ बजेर ३६ मिनेटमा रहेको जनाएको हो । समितिका अनुसार असोज १७ गते घटस्थापनाको साइत बिहान ९ः१६ बजे र असोज २४ गते फूलपातीका दिन तुलजा भवानी यात्रा बिहान ७ः११ बजे तथा स्थिर सन ८ः४३ बजे तोकिएको छ। असोज २५ गते शुक्रवार अष्टमी र नवमी एकै दिन परेको छ। यस्तै २६ गते बिहान ११ः३६ बजे टीकाको साइत तोकिएको छ।  

कोहलपुर । बाँकेको कोहलपुर बसपार्कमा चाडपर्वलाई लक्षित गर्दै यात्रु सहायता कक्ष स्थापना गरिएको छ । आउँदै गरेका चाडपर्व दसैँ, तिहार र छठलाई लक्षित गर्दै कोहलपुरस्थित नयाँ बसपार्कमा यात्रु सहायता कक्ष स्थापना गरिएको हो । बाँकेको कोहलपुर बसपार्क साबिकको मध्य तथा सुदूरपश्चिमका जिल्लामा जानको लागि प्रयोग गरिने बसपार्क हो । पूर्वपश्चिम राजमार्गमा पर्ने कोहलपुरमा यात्रुहरूको सुरक्षालाई ध्यानमा राख्दै यात्रु सहायता कक्षाको सुरुआत गरिएको हो । इलाका प्रहरी कार्यालय कोहलपुरका अनुसार समुदाय प्रहरी साझेदारी कार्यक्रम अन्तरगत बडादसैँ, दीपावली तथा छठ लगायतका चाडपर्वहरूको अवसरमा यात्रुहरूलाई पर्न जाने समस्याहरूको सहजीकरण गर्न यात्रु सहायता कक्ष स्थापना गरिएको हो । यात्रु सहायता कक्षले चाडपर्वको बेला आवतजावत…