काठमाडौँ । हाल देशभर मनसुनी वायुको प्रभाव कायमै रहेको जल तथा मौसम पूर्वानुमान महाशाखाले जनाएको छ । सोमबार मनसुनको न्यून चापीय रेखा सरदर स्थानको दक्षिणतिर अवस्थित रहेको जनाएको छ।
यसको अर्थ मनसुनको न्यून चापीय रेखा नेपालभन्दा पर छ। मनसुनको सिजनमा उत्तर दक्षिण सरिरहेन न्यून चापीय रेखा सरदर स्थानभन्दा दक्षिणतिर सर्दा नेपालमा लगातार पानी पर्ने सम्भावना रहँदैन।
जसको प्रभावले सोमबार दिउँसो भारी वर्षाको सम्भावना नरहे पनि राति भने सम्भावना रहेको महाशाखाले जनाएको छ।
दिउँसो देशको पहाडी भू(भागमा आंशिक देखि साधारणता बदली रही बाँकी भू(भागमा आंशिक बदली देखि मौसम मुख्यतया सफा रहने पूर्वानुमान छ।
त्यस्तै देशको पहाडी भू(भागका थोरै स्थानहरूमा तथा बाँकी भू(भागका एक(दुई स्थानमा मेघ गर्जन चट्याङ्ग सहित हल्का देखि मध्यम वर्षाको सम्भावना रहेको छ ।
सोमबार राति देशभर आंशिक देखि साधारणता बदली रहने छ।
कोसी प्रदेश, मधेस प्रदेश र बागमती प्रदेशका थोरै स्थानहरूमा तथा बाँकी प्रदेशका एक(दुई स्थानमा राति मेघ गर्जन चट्याङ्ग सहित हल्कादेखि मध्यम वर्षाको सम्भावना रहेको महाशाखाले जनाएको छ।
कोसी प्रदेश, मधेस प्रदेश र बागमती प्रदेशका एक(दुई स्थानमा भारी वर्षाको हुने पनि पूर्वानुमान छ।
