कैलाली । कैलालीको धनगढीमा आज शुक्रबारदेखि मिस नेपाल २०२३ को छनौट प्रक्रिया सुरु हुने भएको छ।
प्रतियोगितामा सहभागि हुन १६ वर्ष पूरा भई २७ वर्ष ननाघेको हुनु पर्ने द हिडन ट्रेजरका अध्यक्ष दिवाकर राजकर्णिकरले बताएका छन ।
मिस नेपाल २०२३ को छनोट प्रक्रियामा छनोट हुनको लागी न्यूनतम ५ फिट ३ इन्च उचाइ पुगेको हुनु पर्ने छ। मिस नेपाल प्रतियोगितालाई थप फराकिलो बनाउन यो पटक सात वटै प्रदेशबाट अडिसन लिन लागिएको हो । मिस नेपाल २०२३ को आवेदन चैत्र १, २०७९ (मार्च १५ २०२३) सम्म खुला रहनेछ।
मिस नेपाल २०२३ को फाइनल ललितपुरको गोदावरीस्थित सनराइज कन्भेन्सन सेन्टरमा हुने आयोजकले बताएको छ। धनगढीस्थित रुवस होटलमा उक्त कार्यक्रम हुने आयोजकले जनाएको हो।