सुर्खेत । दैलेखबाट सुर्खेत आउँदै गरेको गाडी दुर्घटना हुँदा १३ जना घाइते भएका छन्।
जिल्ला प्रहरी कार्यालय सुर्खेतका अनुसार दैलेखबाट सुर्खेत आउँदै गरेको कर्णाली प्रदेश ००१ ख ९९८ नम्बरको गाडी शुक्रबार दैलेख र सुर्खेतको सीमानामा दुर्घटनामा परेको हो।
दुर्घटनामा परी १३ जना घाइते भएको जिल्ला प्रहरी कार्यालय सुर्खेतले जनाएको छ ।
घाइतेहरूलाई उपचारका लागि वीरेन्द्रनगर ल्याउन लागिएको प्रहरीले जनाएको छ ।
गाडी सडकबाट तल खसेको हो। गाडीमा कति सवार थिए र कसरी दुर्घटना भयो भन्ने खुल्न बाँकी रहेको उनले बताए।
