बर्दगोरिया । बर्दगोरिया गाउँपालिका पशुसेवा शाखाले मंगलबार देखि आफ्नै भवन बाट सेवा दिन सुरु गरेको छ ।
बर्दगोरिया गाउँपालिकाको नव भवन निर्मित भवनको निर्माण कार्य पुरा भए सङ्गै शाखाले मङलबार बाट आफ्नै निजि भवन बाट सेवा दिन सुरु गरेको हो ।
विगत ६ वर्ष देखि पालिकाको आफ्नै भवन नहुदा अरुको घर घरवहाल लिएर शाखाले सेवा दिदै आएको पशुसेवा शाखाका प्रमुख जय प्रसाद कोइरालाले बताए ।
उनले भने- ” गाउँपालिकाको आफ्नै भवन नहुदा हामीले अरुको घर वाहलमा लिई अस्थायी रुपमा स्थानीय पशुपालक कृषकहरुलाई सेवा दिनु परेको थियो । तर अहिले पालिकाको आफ्नै भवन निर्माण कार्य सम्पन्न भएपछि हामीले स्थायी रुपमा आफ्नै कार्यकक्ष बाट सेवा दिन पाएका छौ । आफ्नै भवन नहुदा विगतमा निकै झन्झटिलो रुपमा सेवा दिन बाध्यता थियौं । त्यति मात्र नभई कार्यालयका महत्त्वपूर्ण कागजात हरु पनि कता राख्ने? कसरी राख्ने? भन्ने कुरामा निकै चिन्तित हुने थियौं । तर अब पालिकाको आफ्नै भवनबाट सेवा दिन सुरु गरेपछि उक्त समस्या हल भएको छ । अब हामीले सम्पूर्ण पशुपालक कृषकहरुलाई हामीले पहिलेको भन्दा छिटोछरितो र सहज रुपमा सेवा दिने छौं । “
