कैलाली । कैलालीमा ग्यासको सिलिन्डर बोकेको ट्रक दुर्घटनामा परेको छ । आइतबार राति १ बजे दार्चुलाबाट धनगढी आउँदै गरेको खाली ग्यास सिलिण्डर बोकेको मालबाहक ट्रक भासु भिरमा दुर्घटना भएको हो ।
जिल्लाको चुरे गाउँपालिका ५ खानीडाडा स्थित भासु भिरमा ट्रक दुर्घटनामा परेको । दुर्घटनामा परेको उक्त ट्रक करिब ७/८ सय मिटर तल खसेको जिल्ला प्रहरी कार्यालय कैलालीले जनाएको छ ।
धनगढी उपमहानगरपालिका ५ तारानगरका राजेन्द्रप्रसाद बिष्टको सुदूरपश्चिम प्रदेश ०१००१ क १८१० नम्बरको आइसर कम्पनिको ट्रक दुर्घटनामा परेको हो ।
ट्रक दुर्घटनामा मानवीय क्षति नभए पनि गाडी र गाडीमा रहेका खालि सिलिन्डर पुर्ण क्षति भएको बताइएको छ। विष्ट लटिनाथ मार्केटिङ फर्मका सञ्चालक हुन् । सो क्षेत्रमा प्रहरी परिचालन भएर क्षतिको विवरण संकलन गर्ने काम भइरहेको प्रहरीले जनाएको छ ।
गाडि दुर्घटना बारे थप अनुसन्धान भइरहेको जिल्ला प्रहरी कार्यालय कैलालीले जनाएको छ ।