काठमाडौं । हाल देशमा पश्चिमी न्यून चापीय प्रणालीको सामान्य प्रभाव रहेको छ।
जसले गर्दा आइतबार सुदूरपश्चिम प्रदेश, प्रदेश नं १ र कर्णाली प्रदेशका पहाडी भू–भागमा आंशिक बदली रही बाँकी भू–भागहरूमा मौसम सामान्यतया सफा रहने मौसम पूर्वानुमान महाशाखाले जनाएको छ।
आइतबार बिहानीपख तराईका धेरै भू–भागहरूमा हुस्सु/कुहिरो र शितलहर चलिरहेको जनाएकोे छ।
तराईका धेरै भू–भागहरूमा बाक्लो हुस्सु/कुहिरो लागेकाले दैनिक जन जीवन प्रभावित बनेको महाशाखाले जनाएको छ। साथै सडक तथा हवाई यातायातमा प्रभाव पर्ने सम्भावना रहेकोले आवश्यक सावधानी तथा सतर्कता अपनाउन समेत महाशाखाले अनुरोध गरेको छ।