राजनीति

काठमाडौं । नेकपा एमालेले आफ्नो प्रमुख सचेतकमा महेश बर्तौला मनोनित गराएको छ। एमाले प्रमुख सचेतक पदम गिरी मन्त्री नियुक्त भएपछि पार्टीले बर्तौलालाई प्रमुख सचेतकको जिम्मेवारी दिएको हो । संसदी दलका नेता केपी शर्मा ओलीले यसअघि सचेतक रहेका बर्तौलालाई प्रमुख सचेतक मनोनित गरेका हुन् । यस्तै  सचेतकमा भने सुनिता बराल मनोनित भएकी छन् ।

काठमाडाैं | बर्दियाको समग्र विकासका विषयमा प्रधानमन्त्री पुष्पकमल दाहाल प्रचण्डको ध्यानाकर्षण गराइएको छ । शनिबार बिहान प्रधानमन्त्री निवास बालुवाटार पुगेर नेकपा (माओवादी केन्द्र)का नेताहरूले बर्दियाका विविध विषयमा सरकारको ध्यानाकर्षण गराएका हुन् । माओवादीका केन्द्रीय सदस्य, प्रदेश पदाधिकारी र जनप्रतिनिधिहरूले प्रधानमन्त्रीसँग भेटेर बर्दियाको विकासका विषयमा छलफल गरेका हुन् । नेताहरूले ठाकुरबाबाको मुक्त कमैया र सुकुम्बासी बस्तीमा देखिएको समस्या, स्थानीय विकास र अन्य विविध विषयमा प्रधानमन्त्रीको ध्यानाकर्षण गराएको वैकल्पिक केन्द्रीय सदस्य लोकराज जैसी (लोकेश)ले जानकारी दिए । ठाकुरबाबाको पर्यटकीय विकास, राष्ट्रिय निकुञ्ज र जनावरबाट भोग्नुपरेको समस्या तथा सुरक्षाको उचित व्यवस्थापनलगायत विषयमा आफूले प्रधानमन्त्रीको ध्यानाकर्षण गराएको उनले बताए । छलफलपछि प्रधानमन्त्री प्रचण्डले बर्दियाको…

काठमाडौँ । नेपाल कम्युनिस्ट पार्टी (माओवादी केन्द्र) को केन्द्रीय समितिको बैठक आज बस्ने भएको छ । बैठक  बिहान ११ बजे राष्ट्रियसभा गृहमा बस्ने गरी तय गरिएको सो पार्टीका उपाध्यक्ष एवम् प्रवक्ता अग्निप्रसाद सापकोटाले जानकारी दिए । प्रवक्ता सापकोटाका अनुसार बैठक  दुई दिनसम्म चल्नेछ । बैठकमा माओवादी केन्द्रले यसअघि सञ्चालन गरेको चार महिने ‘जनतासँग माओवादी विशेष अभियान’मा विशेष समीक्षा गर्ने कार्यसूची छ । समसामयिक राजनीतिक विषयका अलावा पार्टीको काम कारबाही र आगामी फागुन १ गतेदेखि तय गरिएको विधान सम्मेलनबारे पनि छलफल हुनेछ । माओवादी केन्द्रले चार महिने अभियानमा पार्टीको सङ्गठन निर्माण, पुनःनिर्माणका अलावा शहीद परिवार, बेपत्ता योद्धाका परिवार, घाइते अपाङ्गता भएका…