कैलाली। बझाङमा आइतबार राति पहिरोमा पुरिएर एकै परिवारका चार जनाको मृत्यु भएको छ ।
आइतबार राति करिव १ बजेको समयमा बझाङको बुङ्गल नगरपालिका–१० स्थित टुमेडामा पहिरोले बीरबहादुर धामीको घर पुर्दा ४ जनाको ज्यान गएको प्रहरीले जनाएको छ ।
प्रहरीका अनुसार घरमा सुतेका १० जनामध्ये ६ जना भागेर बचेका हुन भने ४ जनाको घटना स्थलमै मृत्यु भएको हा । भागेकाहरु मध्ये केही समान्य घाइते भएका छन् ।
मृत्यु हुनेमा काली धामी, गोल्की धामी, आकृति धामी र लक्ष्मी धामीको शव फेला परेको प्रहरीले जनाएको छ ।
