बर्दगोरिया । कैलालीको बर्दगोरिया गाउँपालिकाले गर्मी बिदा दिएको छ । पछिल्लो केही दिनदेखि अत्यधिक गर्मी बढेपछि बर्दगोरिया गाउँपालिकाले एकहप्ता विद्यालयमा बिदा दिएको हो ।
पालिकाले भोलि, शुक्रबारदेखि लागू हुनेगरी २४ जेठसम्म बिदा दिएको हो ।
पालिकाका प्रमुख प्रशासकीय अधिकृत प्रकाश ढुंगानाले बिहिवार एज सूचना जारी गर्दै बर्खे बिदाबाट कट्टा हुनेगरी पालिकाभित्र रहेका सबै विद्यालयमा बिदा दिइएको उल्लेख गरेका छन ।
गर्मी अत्यधिक बढेपछि बालबालिकाको स्वास्थमा पर्न सक्ने असरलाई मध्यनजर गर्दै पालिकाले बिदा दिइएको जनाइएको छ ।
पछिल्लो केही दिनदेखि बढ्दै गएको गर्मीको कारणले जनजीवन कष्टकर बन्दै गएको छ। बिहान सबेरैदेखि सुरु हुने गर्मी मध्याह्नसम्म ४४ डिग्री सेल्सियससम्म पुग्ने गरेकाले दैनिक कामकाज गर्नसमेत समस्या हुने गरेको छ।
