बर्दगोरिया । कैलालीको बर्दगोरिया गाउँपालिका वडा नम्बर ५ मा प्रथम वडा स्तरीय फुटबल प्रतियोगिता सुरु भएको छ । स्वास्थ्यका लागि खेलकुद ,राष्ट्रका लागि खेलकुद भन्ने नाराका साथ प्रतियोगिता सुरु भएको हो ।
सहयोगी बेलुवा युवा कल्बको आयोजनामा सुरु भएको प्रतियोगिताको बिहिवार गाउँपालिका अध्यक्ष कर्ण बहादुर कुवरले उद्घाटन गरेका छ्न । प्रतियोगिताको उद्घाटन समारोहलाई सम्बोधन गर्दै अध्यक्ष कुवरले बर्दगोरियालाई खेलकुद र खेलाडीको वृद्धि विकासका लागि आफुले विशेष काम थाल्ने बताए । उनले बर्दगोरियामा खेलकुदको विकास गरि दक्ष खेलाडी उत्पादनका लागि आफुले नैतिक भौतिक रूपमा सहयोग गर्ने बताए ।
क्लबका अध्यक्ष महेश रावलको सभाध्यक्षतामा भएको कार्यक्रममा सडकपुर बौनिया युवा क्लबका अध्यक्ष जीवन बीसी, वडा नम्बर २ का अध्यक्ष गोविन्द विक, वडा नम्बर ५ का अध्यक्ष भोलेराम चौधरी लगाएतले मन्तव्य राखेका थिए ।
प्रतियोगितामा वडा नम्बर ५ भित्रका १० टीमको सहभागिता रहेको आयोजकले जनाएको छ । प्रतियोगितामा प्रथम हुने टीमले १५ हजार र दोस्रो हुनेले ७ हजार रुपैयाँ पुरस्कार पाउनेछ्न । 
