कैलाली । कञ्चनपुरमा हात्ती धपाउन खोज्दा एक जनाको मृत्यु भएको छ ।
मृत्यु हुनेमा जिल्लाको शुक्लाफाँटा नगरपालिका वडा नम्बर ७ सिमलफाँटाकी २२ वर्षीया मीना जोशी रहेको प्रहरीले जनाएको छ ।
सोमबार बेलुकी हात्तीका बथान गाउँ पसेपछि उनी धपाउन गएकी थिइन्। हात्तीको आक्रमणबाट उनको मृत्यु भएको प्रहरीले जनाएको छ।
जिल्ला प्रहरी कार्यालय कञ्चनपुरका अनुसार घटनाबारे थप अनुसन्धान भइरहेको छ ।