१०, भाद्र २०७९ जोशीपुर (कैलाली) । जोशिपुर गाउपालिका वडा नम्बर ६ ले आर्थिक वर्ष २०७९/८० मा संचालन गर्नुपर्ने योजनाहरुको उपभोक्ता समिती गठन प्रक्रियालाई अगाडी बढाएको छ ।
बिहीवार एक सूचना प्रकाशित गर्दै वडा कार्यालयले भदौ १६ गते देखि विभिन्न टोलमा उपभोक्ता समिती गठन गर्ने जानकारी गराएको छ । भदौ १६ गते कुमारिबाग र सिमरी योजना स्थलमा २ वटा योजनाका लागि उपभोक्ता समिती गठन हुने भएको छ ।
यसै गरि भदौ १७ गते सिमरी योजना स्थलमा नै २ वटा योजनाको उपभोक्ता समिती गठन हुने छ । यस्तै भदौ १९ गते वडा कार्यालय अगाडी र लोखरी योजना स्थलमा थप २ योजनाको उपभोक्ता समिती गठन गरिने वडा अध्यक्ष भोजराज डगौराले जानकारी दिनु भयो । यसै गरि वडा कार्यालयको सूचनामा भदौ २० गते ५ ओटा योजनाको उपभोक्ता समिती गठन हुने छ ।
जसमा योजना स्थल, रतनपुर मन्दिर , रतनपुर सामुदायिक भवन र योजना स्थलमा गरि ५ स्थानमा उपभोक्ता समिती गठन हुने छ । विभिन्न स्थानिय सरोकारवाला र नागरिकको सहजताका लागि एक हप्ता अगाडी सूचना प्रकाशित गरिएको वडा अध्यक्ष डगौराले बताउनु भयो ।
