कैलाली । बर्दगोरिया पत्रकार मञ्चको आयोजनामा दोस्रो पालिका स्तरीय मैत्रीपूर्ण फुटबल खेल हुने भएको छ । “पारस्परिक सदभाव, आपसी सहयोग र मित्रताका लागि खेल” भन्ने मूल नाराका साथ यही कार्तिक ९ र १० गते बर्दगोरिया पत्रकार मञ्चको आयोजनामा उक्त दोस्रो पालिका स्तरीय मैत्रीपूर्ण फुटबल खेल हुने भएको हो ।
मञ्चका अध्यक्ष कृष्ण प्रसाद ओझाका अनुसार खेलमा रुचि राख्ने तर उमेर तथा आफ्नो व्यावसायिक व्यस्तताका कारण खेल खेल्न नसकेका स्थानीय व्यापारी, कर्मचारीहरू लगायतका व्यक्तिहरूसँग आपसी सदभाव कायम रहोस् भन्ने उद्देश्यका साथ पालिका स्तरीय फुटबल खेलको आयोजना गरिएको हो ।
प्रतियोगिताको विजेता हुने टिमले खसी, ट्रफी र प्रमाण–पत्र प्राप्त गर्नेछ, भने यस्तै प्रतियोगिताको दोस्रो हुने टिमले बोका, ट्रफी र प्रमाण–पत्र प्राप्त गर्नेछ ।
बर्दगोरिया पत्रकार मञ्चले गत वर्ष २०८० साल देखि उक्त फुटबल खेल खेलाउँदै आएको छ ।
