बर्दगोरिया । कैलालीको बर्दगोरिया गाउँपालिकामा १ जना पुरुष मृत अबस्थामा भेटिएका छ्न । बर्दगोरिया गाउँपालिकाको वडा नम्बर २ र लम्कीचुहा नगरपालिकाको सीमा क्षेत्रमा पर्ने बौनिया नालामा ती पुरुषको शव भेटिएको प्रहरीले जनाएको छ ।
मृतक पुरुष बर्दगोरिया गाउँपालिका वडा नम्बर २ निवासी ४१ वर्षिय सुकै चौधरी रहेको आफन्तले बताएका छ्न । बिहिवार बिहान स्थानीयले शव देखेपछि प्रहरीलाई खबर गरेका थिए । स्थानीयका अनुसार चौधरी माघ ३ गतेदेखि हराइरहेका थिए ।
चौधरी हराएपछी आफन्तले खोजी कार्यका लागि प्रहरीलाई निवेदन दिएका थिए । प्रहरीले घटनास्थलमा पुगि शवको पहिचान भएको र आवश्यक अनुसन्धान थालिएको जनाएको छ ।
