डोटी । धनगढीबाट दिपायलतर्फ गइरहेको शैलेश्वरी यातायातको ना५ख ४४५१ नम्बरको यात्रुवाहक बस दुर्घटना भएको छ ।
बस दिपायल सिलगढी नगरपालिका–४ समूहगाडमा दुर्घटनामा परेको हो । बस दुर्घटना हुँदा बसमा सवार १४ जना पुरुष र २ जना महिला गरि १६ जना यात्रु घाइते भएका छन् ।
बस आज बिहान करि बिहान ५ बजेतिर दुर्घटना भएको जिल्ला प्रहरी कार्यालय डोटीले जनाएको छ । दुर्घटनामा घाइते भएकाहरूको राजपुरस्थित सुजङ अस्पतालमा उपचार भइरहेको छ । बस सडकबाट करिब ३५ मिटर तल खसेको छ । घटनाबारे थप बिवरण आउन बाँकी रहेको डोटी प्रहरीले जनाएको छ।