कैलाली । कैलाली जिल्लाको बर्दगोरिया गाउँपालिका वडा नम्बर ५ मा रहेको श्री कैलाली ज्ञान ज्योति इङ्गलिस बोर्डिङ स्कुलको १४ औ वार्षिक उत्सब तथा अभिभावक दिवस २०८० आज सम्पन्न भएको छ।
विद्यालय व्यवस्थापन समितिका अध्यक्ष अमर सिंह भण्डारीको सभापतित्वमा सुरु भएको कार्यक्रमको प्रमुख अतिथि बर्दगोरिया गाउँपालिका वडा नम्बर ५ का वडा अध्यक्ष भोलीराम चौधरी रहेका थिए । यस्तै विशिष्ट अतिथि वडा नम्बर ५ का वडा सदस्य नैन बहादुर चौधरी रहेका थिए ।
कार्यक्रममा प्रमुख अतिथिको आसन बाट सम्बोधन गर्दै बर्दगोरिया गाउँपालिका वडा नम्बर ५ का वडा अध्यक्ष भोलीराम चौधरीले सहर बजार तिर रहेका बिधालय जस्तै गाउँ तिर रहेका बिधालय पनि विभिन्न क्रियाकलापमा पोक्त रहने गरेको बताए । जस अनुसार भर्खरै भएको वडा अध्यक्ष कपमा पनि आफ्नो छुट्टै पहिचान देखाउदै आफुमा भएका बिभित प्रतिभाको प्रदर्शन गर्दै खेलकुदका विभिन्न क्षेत्रमा जित हासिल गरेका छ्न । गाउँ घर तिर रहेका बिधालयलाई आफ्नो कार्यकाल रहेसम्म वडाको तर्फबाट हुने सम्पूर्ण सहयोग रहदै जाने समेत प्रतिबद्धता गरे ।
विद्यालयका शिक्षक हेम बोहराको स्वागत मन्तब्य संगै सुरु भएको कार्यक्रममा विद्यालयका छात्र छात्रहरूले विभिन्न नृत्य, गायन क्षेत्रमा आफ्नो प्रतिभा देखाउदै अतिथिहरुलाई मनोरञ्जन दिलाएका थिए ।