बर्दगोरिया । कैलालीको मोहन्याल गाउँपालिका वडा नम्बर ३ का वडाध्यक्ष नन्दाराम गिरीको ३५ वर्षको उमेरमा निधन भएको छ ।
विगत दुई वर्षदेखि मुखको क्यान्सर रोगबाट ग्रसित वडाध्यक्ष गिरीको उपचारका क्रममा शुक्रबार (आज) दिउँसो दोदोधरा अस्पताल बौनियामा निधन भएको हो ।
गिरी मोहन्याल गाउँपालिका वडा नं ३ को अध्यक्षमा विसं २०७४ र २०७९ को स्थानीय तह निर्वाचनमा नेपाली कांग्रेसबाट दुई पटक निर्वाचित वडा अध्यक्ष हुन । गिरीका श्रीमतीसहित दुई छोरा र एक छोरी रहेका छन् ।
