काठमाडौँ । नेपाल पञ्चाङ्ग निर्णायक विकास समितिले यसपालिको दसैँको टीकाको साइत सार्वजनिक गरेको छ। बडादसैँको अवसरमा गरिने कार्यहरूबारे जानकारी गराउँदै समितिले यसपालिको दसैँको टीकाको शुभ साइत असोज २६ गते बिहान ११ बजेर ३६ मिनेटमा रहेको जनाएको हो ।
समितिका अनुसार असोज १७ गते घटस्थापनाको साइत बिहान ९ः१६ बजे र असोज २४ गते फूलपातीका दिन तुलजा भवानी यात्रा बिहान ७ः११ बजे तथा स्थिर सन ८ः४३ बजे तोकिएको छ। असोज २५ गते शुक्रवार अष्टमी र नवमी एकै दिन परेको छ। यस्तै २६ गते बिहान ११ः३६ बजे टीकाको साइत तोकिएको छ।
